Barbanza Golf é un campo de Pitch & Putt de par 54, ubicado na Rectoral de Macenda, paraxe incomparable, onde carballos centenarios, madroños, abeleiras, lagos e unha espectacular orografía do terreno, o convirten nun campo único en España.

En plena natureza, integrado nos montes do Barbanza e os seus espazos verdes que favorecen o gozo do xogo ao aire libre, Barbanza Golf é un clube familiar. A través da súa academia de golf, forma aos máis pequenos e pequenas da casa na modalidade de Pitch & Putt.

O profesor Diego San Román, con ampla traxectoria e experiencia, imparte clases tanto aos máis pequenos como a persoas adultas que queiran iniciarse no emocionante mundo deportivo do Golf.

As nosas instalacións contan con Casa Club, Putting Green, 2 percorridos de xogo, áreas de descanso, tenda deportiva, aluguer de material, cafetaría, vestiarios, profesor profesional, campo de prácticas e 18 buratos considerados dos máis espectaculares dentro do Pitch and Putt.

Non perdas a oportunidade de formar parte da nosa gran familia do Pitch & Putt e faite abonado agora.
Descarga o noso FOLLETO INFORMATIVO

Academia de golf

Aprende cun profesor titulado, ao teu ritmo e nun contorno inmellorable.

Escola infantil

Un profesor titulado pola Real Federación Española de Golf encargarase de ensinar aos teus fillos a modalidade do golf, o Pitch & Putt. Poden inscribirse nenos e nenas de 6 a 12 anos e adolescentes de 13 a 18 anos. Xuntos compartirán momentos únicos en plena natureza, desde o nivel de iniciación ata o hándicap máis baixo.

Infórmate dos horarios e deixa que os máis pequenos se inicien e gocen do Pitch & Putt.

Clases e cursos

Para os máis maiores, Barbanza Golf ofrece un servizo completo de Pitch & Putt para iniciados/as, clases avanzadas e todos os aspectos básicos para introducirte nesta modalidade do golf.

Dirixido aos amantes da natureza que gusten de practicar deporte ao aire libre, ofrecémosche a oportunidade de coñecer o Pitch & Putt. A localización, ademais, é perfecta para quen queira desconectar e estar en contacto coa natureza.

Máis información

O teu profesor

Diego San Román Gómez

Profesional acreditado pola Real Federación Española de Golf, comezou a súa traxectoria no Real Aeroclub de Vigo e continuou esta labor durante máis de vinte anos en campos de Galicia, Madrid e Castela e León.

En marzo de 2023 comeza un novo proxecto deportivo en Barbanza Golf, seguindo o legado dos seus predecesores, Santiago Tarrío e Javier Ybarra.

Ademais dos cursos de iniciación e perfeccionamento, Diego é o director deportivo da escola infantil. As clases duran 1h30m e impártense todos os venres e sábados do ano.